Tharla an rud céanna do thionscal na fíodóireachta agus na lásadóireachta tar éis an chogaidh freisin, agus luaitear fiú an iomaíocht ón tSín agus ón tSeapáin - ní le déanaí a tháinig an tíogar Áiseach chun cinn! Tá an díospóireacht chéanna ar siúl na laethanta seo faoi mhífheiliúnacht na Gaeltachta do chomhlachtaí ardteicneolaíochta de bharr easpa línte ISDN.

Is fíor go bhfuil mí-oiriúnú i gceist idir an dream dífhostaithe agus an margadh oibre, cuirim i gcás na scórtha míle a chaill a gcuid post san earnáil tógála agus na mílte post atá ar fáil in earnáil na teicneolaíochta.